Мониторинг жұмыстары жалғасуда
«Nur Otan» партиясы Байқоңыр аумақтық филиалы жанынан құрылған мобилдік топ Ақай ауылдық округіндегі шағын маркет пен азық-түлік дүкендерге мониторинг жұмыстарын жүргізді.
Карантин режимін және санитарлық–эпидемиологиялық талаптарының сақталуын бақылау мақсатында жүргізілген мониторинг аясында кәсіпкерлік нысандар иелеріне тиісті ескертулер мен ұсыныстар беріліп, түсіндірме жұмыстары жүргізілді.
Мобилдік топ тарапынан бетперделік режимі мен тұрғындар арасындағы қауіпсіз арақашықтың сақталуын қадағалау мәселелеріне басты назар аударылды.
Сонымен қатар, антисептикалық құралдар мен қолғаптарды міндетті түрде пайдалану туралы ескертілді.
Мониторинг барысында берілген ескертулер мен ұсыныстардың орындалуы партиялық бақылауға алынды.
