Мониторинг жұмыстары жалғасуда

Қармақшы аудандық мәслихаттағы "Nur Otan" партиясы депутаттық фракциясының мүшесі ретінде "Nur Otan" партиясы Байқоңыр филиалы төрағасының бірінші орынбасары М.Есбенбетов, партияның Байқоңыр филиалы жанындағы «Jas Otan» Жастар қанатының төрағасы А.Ердаулетов, Ақай ауылдық округі әкімінің жетекші маманы А.Саймаханова және Партиялық бақылау комиссиясының мүшелерімен бірлесе отырып Ақай ауылдық округіндегі сауда орталығы, шағын маркет пен азық-түлік дүкендерге мониторинг жұмыстары жүргізілді.

Мониторинг барысында бетперделік режим мен тұрғындар арасындағы қауіпсіз арақашықтың сақталуын қадағалау мәселелеріне басты назар аударылды.  Сонымен бірге, антисептикалық құралдар мен қолғаптарды міндетті түрде пайдалану туралы ескертілді.  Мониторинг барысында берілген ескертулер мен ұсыныстардың орындалуы партиялық бақылауға алынды.