Бірлескен отырыста білім жайы қаралды

Дүйсенбіде Жосалы кенті әкімі аппаратының мәжіліс залында аудандық мәслихат төрағасы Әділ Қошалақовтың төрағалығымен аудандық мәслихаттың тұрақты комиссияларының бірлескен отырысы өткізілді. Оған аудандық мәслихат депутаттары, аудандық полиция бөлімі бастығының орынбасары, полиция майоры Оспан Ешжанов, аудандық білім бөлімінің басшысы Гүлзира Абдазиева, мектеп директорлары қатысты.

Комиссияның күн тәртібіне сай «Қармақшы ауданында білім берудің жайы және оны жақсарту шаралары» туралы аудандық білім бөлімінің басшысы Гүлзира Мәжитқызы хабарлама жасады.

Ауданның бас ұстазы өз хабарламасында білім беру ұйымдарының қазіргі жайы, оны жақсарту мен жетілдіру шаралары жайлы баяндады. Оның ішінде мектепке дейінгі тәрбие мен оқыту, орта білім беру, оқулықпен қамту, «Ұстаз» платформасы, білім алушылардың қауіпсіздігін қамтамасыз ету, «Мақсатты мектеп» жобасы, жоғары жылдамдықты интернетпен қамтамасыз ету жұмыстары сөз етілді.

Комиссияда депутаттардың ұсыныс-пікірлері тыңдалды.

Бірлескен отырысты аудандық мәслихат төрағасы Әділ Үсенұлы қорытындылады.

Аудандық мәслихат