Сессия жұмысына аудан әкімінің орынбасары Ж.Ерқосаев, аудан әкімі аппаратының басшысы С.Смағұлов және аудандық сайлау комиссиясының хатшысы О.Бодыбаев қатысты.

Сессияның күн тәртібінде аудандық мәслихатының 2019 жылғы 9 қаңтардағы «Қармақшы аудандық аумақтық сайлау комиссиясының құрамын сайлау туралы» No225 шешіміне өзгеріс пен толықтыру енгізу туралы және аудандық мәслихаттың 2019 жылғы 9 қаңтардағы «Қармақшы аудандық учаскелік сайлау комиссияларының құрамын сайлау туралы» No226 шешіміне өзгерістер мен толықтырулар енгізу мәселелері туралы аудандық мәслихаттың төрағасы Ә.Қошалақов хабарлама жасады.

Мұнан соң аудандық мәслихаттың төрағасы аудандық округтік сайлау комиссияларының құрамын сайлау мәселесіне кеңірек тоқталды.

Ал ауданның әкімшілік-аумақтық басқару схемасын бекіту туралы аудан әкімі аппаратының басшысы С.Смағұлов баяндама жасады.

Сессияда күн тәртібіндегі мәселелер бойынша аудандық мәслихаттың тиісті шешімі қабылданды.

Сессия алдында тұрақты комиссиялардың бірлескен отырысы өткізілді.