Қазақстан Республикасы Орталық сайлау комиссиясының ұсынысымен Қармақшы аудандық аумақтық сайлау комиссиясының толық құрамы және округтік, учаскелік сайлау комиссияларының төрағалары мен хатшылары қатысқан семинар болып өтті. Онда аудандық сайлау комиссиясының төрағасы Ә.Құлдүйсенов «Аудан бойынша 2017 жылғы сайлау жүйесінде атқарылған жұмыстар жайлы» хабарлама жасады. Сондай-ақ, Астана қаласында республикалық семинарға қатысқан аудандағы электор…аттық оқытудың тренері М.Бекенов «Қазақстан Республикасындағы сайлау туралы» Қазақстан Республикасының Конституциялық Заңына өзгерістер мен толықтырулар енгізу туралы» Қазақстан Республикасының Конституциялық Заң жобасы» бойынша түсіндірме жүргізді.
Семинар жұмысына аудан әкімі аппаратының ұйымдастыру және инспекторлық жұмыс бөлімінің бас инспекторы, аудандық мәслихат аппарат қызметкерлері, аудандық ішкі саясат бөлімінің маманы, аудандық «Қармақшы таңы» газетінің тілшісі, жастар ресурстық орталығының заңгері қатысты.
Семинарға қатысушылар күн тәртібіндегі мәселелер бойынша сұрақтар қойып, ұсыныс-пікірлерін білдірді.