Оған аудан әкімі Ә.Ерсұлтанов, аудан әкімі аппаратының басшысы С.Смағұлов, кенттер мен ауылдық округ әкімдері, дербес бөлім басшылары және қоғамдық ұйым төрағалары қатысты. Күн тәртібіне сай 2023-2025 жылдарға арналған аудандық бюджет туралы Қармақшы аудандық экономика және бюджеттік жоспарлау бөлімінің басшысы Ж.Ниматулла хабарлама жасады. Келесі кезекте 2023-2025 жылдарға арналған кенттер мен ауылдық округтердің бюджеті туралы кент пен ауылдық округ әкімдері сөз алды. Ал аудандық мәслихаттың 2023 жылдың І жартыжылдығына арналған жұмыс жоспарын бекіту туралы аудандық мәслихатының хатшысы Ә.Қошалақов баяндады. Сессияда күн тәртібіндегі мәселелер бойынша аудандық мәслихаттың тиісті шешімдері қабылданды. Сессия алдында тұрақты комиссиялардың бірлескен отырысы өткізілді.