БІЛІМ БӨЛІМІНІҢ КЕЗЕКТІ АЛҚА МӘЖІЛІСІ ӨТКІЗІЛДІ
Қармақшы ауданы бойынша білім бөлімінің басшысы Г.Абдазиеваның төрағалығымен білім бөліміне қарасты білім беру ұйымдары басшыларының қатысуымен кеңейтілген алқа мәжілісі өткізілді.
Кеңейтілген мәжілістің күн тәртібінде білім беру ұйымдарында «Bilim Class» платформасының жүргізілуі жайлы, қаңтар айында өткізілген ҰБТ –дің қорытындысын талдау, педагогтарды аттестаттау бойынша «Ұстаз» портфолиосының толтырылуы жайлы және жалпы аттестацияға байланысты өзгерістер туралы, 2024-2025 оқу жылында һөткізілген жалпы білім беретін пәндер олимпиадасының аудандық,облыстық кезеңінің қорытындысы және өткізілу барысы жайлы, білім беру ұйымдарының ББЖМ, халықаралық зерттеулерге дайындық жұмыстары туралы өзекті мәселелер талқыланды.
Білім бөлімі басшысы Г.Абдазиева күн тәртібіндегі көтерілген мәселелердің маңыздылығына арнайы тоқталып, жүргізілген жұмыстарға өзіндік талдау жасап, жан-жақты талқылады.
Сондай-ақ, мәжілісте ұсыныс ретінде айтылған мәселелерге шешім шығарып, білім беру ұйымдарының басшыларына басты назарға алуға тиісті тапсырмаларын жүктеді.
Сонымен қатар білім бөлімі басшысы алдағы келе жатқан ҰБТ науқанында оқушыларымыз- дың білім бәсекесінде бәсі биік болуын тілеп, баршасына сәттілік тіледі.
