ТӨРЕТАМ ЖӘНЕ АҚАЙ ЕЛДІ МЕКЕНДЕРІНДЕГІ НЫСАНДАР ҚАРАЛДЫ

Облыс әкімі жүктеген міндеттерді іске асыру аясында аудан әкімінің тапсырмасымен аудан әкімінің орынбасары Айдын Серікұлы Төретам және Ақай елді мекендеріндегі әлеуметтік және инфрақұрылымдық нысандардың жұмысын бақылады.

Сапар барысында ең алдымен Төретам кентіндегі темір жол вокзалының қазіргі жағдайы қаралып, ғимаратқа күрделі жөндеу жұмыстарын жүргізу мәселесі талқыланды. Нысанның техникалық жай-күйін саралау негізінде тиісті шаралар қабылдау қажеттігі атап өтілді.

Одан кейін Ақай ауылдық округінде жақын арада пайдалануға берілетін денешынықтыру-сауықтыру кешенінің құрылыс жұмыстары пысықталды. Құрылыс қарқыны мен сапасына мән берілді.

Аудан әкімінің орынбасары жауапты мекемелер мен мердігерлерге атқарылып жатқан жұмыстардың сапасын қатаң бақылауда ұстауды тапсырды.