АЭС салуды қолдау жөніндегі аудандық Халықтық штаб құрылыс саласы қызметкерлерімен кездесті
Кездесуде АЭС құрылысының елімізге және құрылыс саласына жаңа мүмкіндіктер ашатыны жайлы сөз болды.
Штаб мүшелерінің айтуынша, АЭС салу елдің атомдық, көмір, газ, күн, жел және су энергияларына негізделген кешенді және теңгерімді энергетикалық жүйесін қалыптастыруға мүмкіндік беретіні және АЭС салу кезінде отандық құрылыс компаниялары жоғары жүктеме алады. Яғни, тек атом станциясы ғана емес, сонымен қатар ілеспе инфрақұрылым да қоса салынады: кірме жолдар, қызметкерлерге арналған тұрғын үйлер, әлеуметтік инфрақұрылым нысандары көбейеді.
Кездесуде сан түрлі сауалдарға жауап алған құрылыс саласы мамандары тұрақты энергия көзінің салаға тигізер пайдасының орасан екенін тілге тиек етіп, АЭС салу маңызды шешім екендігін жеткізді.
