АЭС салуды қолдау жөніндегі кездесулер жалғасуда

АЭС салуды қолдау жөніндегі аудандық Халықтық штаб аймақтарда кездесулер өткізуді жалғастыруда. Штаб мүшелері Т.Көмекбаев бастауыш партия ұйымында білім саласы қызметкерлерімен кездесті.

Кездесуде АЭС-тің маңыздылығы талқыланды. Штаб мүшелерінің айтуынша, электр қуатының жетіспеушілігі тұтас бір аймақты жансыздандыруы мүмкін, адамдар жарықсыз ғана емес, сусыз да қалуы ықтимал. Сондықтан бізге АЭС сынды тұрақты және таза баламалы энергия көзі қажет. еліміздің ғылыми-техникалық прогреспен қатар дамуын атом электр станциясы айтарлықтай кеңейтеді. Бұл – уақыт талабы және бұл мәселеде жайбасарлық танытуға болмайды. Қазіргідей әлемде ресурстарға, энергияға бәсеке күшейген уақытта елдің энергетикалық тәуелсіздігі, энергетикалық қауіпсіздігі бірінші орынға шығып отыр. Сондықтан, Қазақстанда АЭС салу – өмірлік мәселе екенін баршамыз ұғынуымыз қажет. Біз осындай тағдырлы мәселелерді келер ұрпақтың мойнына артып кетпей, дәл бүгін батыл, дұрыс шешім қабылдауға тиіспіз.