qarmaqshy-tany.kz Ағымдағы жылдың қазан айының 18 жұлдызында Жосалы кенті орталығындағы Ш.Уалиханов атындағы №26 орта мектебі, С.Есқараев атындағы №27 орта мектебі, К.Томанов атындағы №183 орта мектебінің 8-11 сынып оқушыларының қатысуымен «Кәмелетке толмағандар арасында құқық бұзушылықпен топтық төбелестің алдын алу» тақырыбында кездесу өткізілді.

Кездесуге: Қармақшы ауданының прокуроры С.Абдулғазиз, Қармақшы АПб-нің ЖПҚб-нің бастығы полиция аға лейтенанты Қ.Ермаханов, білім бөлімінің басшысы Г.Абдазиева, «Жастар ресурстық орталығының» басшысы Н.Пірназаров, аудандық әйелдер кеңесінің төраайымы Г.Раевалар қатысты.

Кездесу барысында құқық бұзушылықтың алдын алу, топтық төбелесті болдырмау, есірткі заттарының адам денсаулығына зияны жөнінде тақырыптар кеңінен талқыланды. Сонымен қатар іс шара барысында тұрмыстық зорлық-зомбылық туралы мағлұмат беріліп және оның түрлерін аталып және де жалпы отбасындағы құндылықтар бойынша түсіндірме жұмыстарын жүргізілді.

Іс шара соңында оқушылардың өз ойлары ортаға салынып, ұсыныс пікірлер тыңдалды.