Келелі кездесу өтті

Қармақшы ауданы әкімінің орынбасары Ж.Омаровтың қолымен бекітілген іс-шаралар жоспарына сәйкес, аудандық жастар ресурстық орталығының ұйымдастырумен карантиндік талаптарды сақтай отырып, ағымдағы жылдың мамыр айының 26-27 күндері аралығында сала мамандарын тарта отырып, «Құқық бұзушылық індет – оны жою міндет» атты жастар кәсіпкерлігін дамытуға бағытталған кездесу, «Жас отбасы – мемлекет тірегі» атты отбасылық құндылықтарын насихаттау жастарға ақпараттық-кеңес беру мақсатында жас мамандармен және жас ұстаздармен кездесу өткізілді.

Кездесуге Ш.Уалиханов атындағы №26 қазақ орта мектебі, С.Есақараев атындағы №27 қазақ орта мектебі, Ә.Егізбаев №121 қазақ орта мектептерінің мұғалімдері, Аудандық «Ақмешіт адалдық алаңы жобалық кеңсесінің» төрағасы Ш.Құндақбаев, Қармақшы ауданы полиция бөлімінің Жергілікті полиция қызметі бөлімшесінің Әйелдерді зорлық-зомбылықтан қорғау тобының инспекторы полиция аға лейтенанты А.Касимова қатысты.

Осы ретте, аталмыш шараның жастар арасында кеңінен насихаттау және құқық бұзушылықтың алдын алу, болдырмау, және де отбасындағы әйелдерге қатысты тұрмыстық зорлық-зомбылық тақырыбы, әйелдерге қатысты зорлық-зомбылықтың алдын алу, жолын кесу, бостандықтары мен заңды мүдделерін қорғау, жалпы отбасындағы құндылықтар жөнінде әңгімелер қозғалып, жастардың ұсыныс пікірлері тыңдалды.