Бала тәрбиесі – жауапты іс. Өкінішке қарай, ата-аналардың басым көпшілігі зорлық-зомбылықты тәртіпке салумен шатастырып жатады. ЮНИСЕФ дерегінше, елімізде ересектердің 75-пайызы отбасындағы балалардың жүріс-тұрысын бақылау үшін дене жазалауын құптаса, ал ата-аналардың 67-пайызы балаларды тәрбиелеуде зорлық-зомбылық түрлерін қолданады.

Атап айтқанда, ағымдағы жылдың мамыр айының 17 жұлдызында Жастар ресурстық орталығының ұйымдастыруымен, жасөсіпірімдердің өмірі мен денсаулығының қауіпсіздігін сақтау және құқық бұзушылықтың алдын алу, жасөспірімдерге қатысты зорлық-зомбылықтың алдын алу, зорлық-зомбылық туралы мағлұмат беру және оның түрлерін атап өту, және де жалпы отбасындағы құндылықтар бойынша Жосалы кенті орталығындағы О.Шораяқұлы атындағы №30 және Т.Көмекбаев атындағы №250 мектеп-лицейінің 7-8 сынып оқушыларының қатысуымен кездесу өткізілді.

Іс шара барысында мамандар өз салалары бойынша түсіндірме жұмыстарын жүргізіп, ойларын ортаға салып, соңыңда мектеп оқушыларымен кері байланыс жүргізіліп, оқушылар осы кеңестері үшін ризашылығын айтып алғыстарын білдірді.