Құқық бұзушылықтың алдын алуды түсіндірудің бірлескен жұмыс жоспарына сәйкес С.Есқараев атындағы №27 орта мектебінің 8 - 11 сынып оқушыларына аудандық прокуратура, полиция департаменті, білім денсаулық сақтау басқармалары мен ҮЕҰ өкілдерінің қатысуымен түсіндірме жұмыстар ұйымдастырылды.

Іс-шараның мақсаты - кәмелетке толмағандар арасындағы құқық бұзушылық пен қылмыс, топтық төбелестердің, қылмыстардың, нашақорлықтың алдын-алу, интернет қауіпсіздігі мен суицид, зорлық-зомбылықтың алдын алу бағытында мамандар арнайы кеңестер беру, әңгімелесу. Қазіргі уақытта қоғамның алдында тұрған басты міндеттердің бірі - балалар мен жасөспірімдер арасындағы құқық бұзушылықтың алдын-алу, кәмелетке толмағандар арасындағы қылмыстарға жол бермеу.

Жиналысқа қатысқан аудандық білім бөлімінің әдіскері А.Тоқшылықова, аудандық Жастар денсаулығы орталығының психологі Ә.Кетебаева, «Аманат» партиясының сарапшысы Н.Шамғонов, аудандық Жастар орталығының қоғаммен байланыс бөлімінің маманы Г.Маханова, АПб-нің ЖПҚб-нің ЮПт-ның инспекторы полиция капитаны А.Шакзадалар өз салалары бойынша оқушыларға жан-жақты ақпарат берді. Тақырып көлемінде бейнероликтер көрсетіліп, ақыл-кеңестер берілді.