Түсіндірме жұмыстары ұйымдастырылды

Т.Көмекбаев атындағы №250 мектеп-лицейдің Акт залында құқық бұзушылықтың алдын алу мақсатында 8-11 сынып оқушыларына прокуратура, АПб-ні, білім, денаулық сақтау бөлімі қызметкерлерінің қатысуымен түсіндірме жұмыстары ұйымдастырылды.

Іс-шараның мақсаты-кәмелетке толмағандар арасындағы құқық бұзушылық пен қылмыс, топтық төбелестердің, қылмыстардың, нашақорлықтардың алдын алу, интернет қауіпсіздігі мен суицид, зорлық-зомбылықтың алдын алу бағытында кеңестер беру, әңгімелесу.

Бүгінгі таңда қоғамның алдында тұрған басты міндеттердің бірі-балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу.

Осыған байланысты жас ұрпаққа құқықтық тәрбие беру-бүгінгі күннің басты талаптарының бірі болып отыр. Іс-шара барысында мамандар өз салалары бойынша оқушыларға жан-жақты ақпарат берді.

Аталған іс-шараға Қармақшы аудан прокурының уақытша міндетін атқарушы А.Муратов, Қармақшы аудандық ауруханасының акушеркасы А.Әбілханова, Қармақшы АПб-нің ЖПҚб-нің ЮПт-ның аға инспекторы полиция майоры Г.Исмайлова қатысты. Жиналысты мектеп-лицей директоры Г.Мұнарбаева қорытындылады.