Ақсақалдар бас қосты
qarmaqshy-tany.kz Байқоңыр қалалық ақсақалдар кеңесінің кезекті отырысы өтті. Кеңес төрағасы Әнуарбек Дәуленбаевтың төрағалығымен өткен отырыста осы жылдың 5 сәуірінде Қазақстан Республикасы президентінің «Байқоңыр» кешеніндегі арнайы өкілінің қолдауымен құрылған Байқоңыр қалалық ақсақалдар кеңесінің осы уақытқа дейінгі атқарған жұмысы, қатысқан шаралары жайында сөз қозғалды.
Оның ішінде, жастар арасында патриотизм идеяларын ілгерілету және патриоттық тәрбие беру мақсатында колледж студенттері мен қаладағы мектептердің жоғары сынып оқушыларымен өткен кездесулерге тоқталды.
Отырыста кеңес жұмысын жүйелеп, жандандыру мақсатында әрі қарай жұмыс жоспары бекітіліп, бағдарламалар жасалды.
Онда «Ел бірлігі – жаңарған Қазақстанның тірегі» тақырыбында да сөз қозғалды.
Нұрбай ЖАНӘДІЛОВ
