Бірлік бәрінен қымбат
qarmaqshy-tany.kz Байқоңыр қаласындағы №275 орта мектепте қалалық ақсақалдар кеңесінің бір топ мүшесі жоғары сынып оқушыларымен «Ел бірлігі - жаңарған Қазақстанның тірегі» тақырыбында кездесу өткізді.
Онда Қазақстан халқы Ассамблеясы – тәуелсіздіктің, егемендіктің жеңісі екендігі, біздің өткеніміз бен бүгінімізде нақты орын алып, өмірлік тәжірибемізде қабылданып, халық арасында көрініс тауып, келешек ұранымыз да осы бағытта қамтитындығы айтылды.
Іс-шарада кеңес мүшесі Әнуар Дәуленбаев елiмiздiң жаңа тарихының шешушi кезеңдерiнде Ассамблея әрдайым тұрақтандырушы және бiрiктiрушi рөлін атқар ғанын айтса, ардагер ұстаз Жайық Құпияев бірлік, татулық және бейбітшілік біздің мызғымас құндылығымыз екенін түсіндірді.
Сондай-ақ, кездесуде Шайхибек Сүйімбетов кез келген мемлекеттің бола шағы білімді жастар екенін, бүгінгі жас болашақ Қазақстанның жарқын бейнесі екенін тілге тиек етті.
Кездесу соңында қонақтар оқушылардың сұрақтарына жауап беріп, баталарын берді.
Нұрбай ЖАНӘДІЛОВ
