«QAISAR» жобасы аясында кездесу өткізілді

Бүгін партия ардагерлері, Байқоңыр қаласы мен Төретам кентінің ардагерлер кеңесінің мүшелері А.Ниязбаев, Қ.Құдайбергенұлы, А.Дауленбаев С.А.Джиенқұлов атындағы Байқоңыр жоғары колледжінің студенттерімен кездесті.

Кездесудің мақсаты - өскелең ұрпақ пен жастарға патриоттық тәрбие беру болып табылады.

Кездесу барысында партия ардагері, Төретам кентінің Ардагерлер кеңесінің мүшесі А.Ниязбаев жастардың бойында патриоттық сананы және әскери қызметке деген қызығушылықты қалыптастыру екенін айтып, жастарды патриот болуға шақырып, Отан қорғаудан артық мамандық жоқ екеніне тоқталды.

Партия ардагері, Байқоңыр қаласының ардагерлер кеңесінің мүшесі Қ.Құдайбергенұлы жастар саясатының маңыздылығын, еліміздің жастар мәселесіне айрықша көңіл бөлетінін және жастарды қолдау жайында айтып өтті.

Жиын соңында студенттердің ой-пікірлері мен ұсыныстары тыңдалып, қойылған сұрақтарына жауап берілді.