«Қазақстан Ғарыш Сапары» мекемесінің мәжіліс залында Елордамыздың 20 жылдығына орай партия мүшелігіне салтанатты қабылдау өтті.
Кездесуді «Нұр Отан» партиясы Байқоңыр филиалы төрағасының бірінші орынбасары, облыстық мәслихат депутаты Дауленбаев Ануар ашып, жүргізді.«Жас Отан» жастар қанаты Байқоңыр филиалының төрайымы Ерғалиева Жазира сөз алып, Елордамыздың құрылу тарихымен таныстырып өтті.Содан соң «Жастар ресурстық орталығы» Байқоңыр қалалық бөлімінің кеңесшісі Жақсылықов Руслан Астана қаласының жетістіктеріне тоқталып өтті.
Шара барысында Астана қаласының 20 жылдығына орай бір топ азаматтарға салтанатты түрде партиялық билет табысталды. Партия филиалы төрағасының бірінші орынбасары А.Дауленбаев партия қатарына қосылған партия мүшелерін ынтымақтастықпен жұмыс жасауға шақырды.