Ақсақалдар кеңесінің алғашқы отырысы өтті
qarmaqshy-tany.kz Қармақшы ауданы Жосалы кенті әкім аппаратының мәжіліс залында Қармақшы аудандық Қазақстан халқы ассамблеясы жанындағы Ақсақалдар кеңесінің кеңейтілген отырысы өтті. Отырысты Қоғамдық даму КММ- нің бөлім басшысы Нысанбаев Ғарышбек Бауыржанұлы жүргізді.
Іс-шараға Ақсақалдар кеңесінің мүшелері қатысты. Аймағымызда Қазақстан халқы Ассамблеясы жанынан Ақсақалдар кеңесі құрылып, құрамы жергілікті қоғамдастықтардың ақсақалдарынан, қоғамдық, оның ішінде үкіметтік емес ұйымдардың беделді өкілдерінен, сондай-ақ қоғамдық пікірдің басқа да көшбасшыларынан құралды. Жаңа кеңес мүшелерінің дауыс беруі арқылы кеңестің төрағалығына Құндақбаев Шегебай төраға орынбасарлығына Ұзақбаев Ерболат сайланды.
Аудандық Ақсақалдар кеңесінің қызметі Республикалық Қазақстан халқы Ассамблеясы кеңесінің бекіткен Ережеге сәйкес аудандық бірқатар әлеуметтік мәселелерін шешуге бағытталатын болады. Отырыс соңында жұмыс жоспары бекітіліп, алдағы жоспарлар айқындалды.
