«Жаңа Қазақстан» ұғымы – бүгінгі күннің басты идеологиялық құралы»

Ауданда Қазақстан халқы ассамблеясының аудандық ақпараттық – түсіндіру тобының кезекті отырысы өтті.

Кездесуге облыстық қоғамдық даму басқармасының «Қоғамдық келісім» мекемесінің аға сарапшысы Бауыржан Серікұлы және аудандық ақпараттық – түсіндіру тобының мүшелері қатысты.

Отырысты топ мүшесі Раева Күлжауһар Төлегенқызы ашып, жүргізіп отырды. Күн тәртібіне сәйкес «Ұлт бірлігі – Қармақшы» қоғамдық бірлестігінің төрағасы Шегебай Құндақбаевтың «Жаңа Қазақстан» ұғымы – бүгінгі күннің басты идеологиялық құралы» атты баяндамасы тыңдалды.

Сонымен қатар, Жосалы кенті ардагерлер кеңесінің төрағасы Ерболат Ұзақбаев және «Қоғамдық келісім» мекемесінің аға сарапшысы Бауыржан Үсенбаев тақырыпқа сәйкес пікірлерін білдіріп, ұсыныстарын жеткізді.