Жиынды аудандық ішкі саясат бөлімі, "Облыстық жастар одақтары" қоғамдық бірлестігі мен облыс әкімі аппаратының "Қоғамдық келісім" КММ-нің аудан бойынша маманы бірлесе ұйымдастырды. Аталмыш басқосуды аудан әкімінің орынбасары Жарқын Тұрмаханұлы жүргізіп, шара қонақтарына сөз берді. Конференцияда Қорқыт ата атындағы Қызылорда Мемлекеттік университетінің тарих және Қазақстан халқы ассамблеясы кафедрасының аға оқытушысы Гульчин Әнсерқызы "Ұлтаралық татулық" атты баяндамасын оқыды.
Сондай-ақ жиынның кезекті қонағы облыс әкімдігінің "Қоғамдық келісім" коммуналдық мемлекеттік мекемесінің ғылыми-әдістемелік қамтамасыз ету және мониторинг бөлімінің аға сарапшысы Бауыржан Серікұлы "Қазақстандағы этноконфессиялық келісім" тақырыбында хабарлама жасады.