Оқушылар арасында семинар-тренинг
qarmaqshy-tany.kz Қармақшы ауданы Иіркөл ауылынындағы №106-мектептің жоғары сынып оқушыларының арасында семинар-тренинг өтті. Семинарға аудандық жастар денсаулығы орталығы және салауатты өмір салтын қалыптастыру кабинетінің мамандары қатысып, оқушыларға тұрмыстық зорлық-зомбылықтың алдын алу,жастар арасында кездесетін буллинг, кибербуллинг, зиянды әдеттердің алдын алу,болдырмау жөнінде түсіндірме жұмыстарын жүргізді. Сонымен қатар, жасөспірімдердің қауіпсіздігі, өз денсаулығын нығайту, өз өміріне жауапкершілікпен қарау, отбасындағы тәрбие жайында пікірлер алмасып, сұрақтарына жауап берілді.
Салауатты өмірді бүгінен бастап әдетке айналдыру, тұлға болып қалыптасуы, болашақ маман иесі екенін жоспарлау, білімді жетілдіру, кітапқа құмарлық, пайдалы істермен айналысу төңірегінде кеңестер берілді. Қазіргі кезде белең алып жатқан түрлі ауруларға қарсы екпелердің пайдасы туралы мағлұматтар берілді.Ақпараттар таратылды. Өздеріне деген сенімдерін арттыруда тренингтер жасалынып, оқушылар белсенділік танытты.
