Семинар-тренинг өтті
Иіркөл ауылындағы №106-орта мектептің жоғары сынып оқушылары арасында Қармақшы Жастар денсаулығы орталығы психологы Ә.Кетебаева мен СӨСҚ кабинетінің маманы Д.Құлмырзаеваның ұйымдастыпуымен семинар-тренинг өтті. Шараға Қызылорда облыстық дін істері бөлімінің теолог маманы Ж.Ысқақов, әлеуметтік педагог Төлепбергенов Сейілбек, психолог Қаниева Бота, тәрбие ісі жөніндегі орынбасарының уақытша міндетін атқарушы Батырова Шамшагүл және мектеп оқушылары қатысты. 10-қазан "Психикалық денсаулықты сақтау күніне" орайластырылған бұл семинарда өз денсаулығына жауапкершілікпен қарап,өз өмірлерін дұрыс жоспарлау керектігі, отбасындағы тәрбие, суицидтің алдын алу, салауатты өмір салтын осы бастан қалыптастыру, түрлі теріс ағымдарға ермеу, өз психологиясын игере білу, дұрыс жаққа бағыттай білу, жастардың репродуктивті денсаулығының маңызы жайлы ақпараттар кеңінен беріліп,буклеттер таратылды,бейнероликтер көрсетілді. Оқушылар ынта қойып тыңдап, кері байланыстар орнап,өз ойларындағы сұрақтарына нақты жауаптар алды.
Білген-маржан. Алдын алу қателік жасаудан жақсы!
