qarmaqshy-tany.kz Қармақшы Жастар Денсаулығы Орталығы және Салауатты өмір салтын қалыптастыру кабинеті мамандарының Дүр Оңғар ауылындағы №107-орта мектепте 9 сынып оқушылары арасында "Денсаулық баршаға" атты Денсаулық күніне арналған семинар-тренингі өтті.

Мақсат: "Дені саудың - жаны сау. Ауырып ем іздегенше, ауырмайтын жол ізде" деп жастарға ең қымбат байлық - денсаулық екенін ұғындыру.

Болашақты бүгіннен ойлауды ескерту. Тренингтер жасалып, кері байланыстар орнады.

№109 орта мектептің жоғары сынып оқушылары арасында отбасы құндылықтары, дұрыс қарым-қатынас жасау дағдылары, салауатты өмір салтын ұстану, дұрыс тамақтану, өз қауіпсіздіктерін сақтау және зиянды әдеттерден аулақ болудың пайдасы жөнінде семинар өтті.

Шарада сонымен қатар, иммундау апталығына байланысты тақырыптар төңірегінде, қазіргі кезде кең таралып кеткен туберкулез ауруы жөнінде және оның алдын алу шарттары жайында кеңінен дәріс оқылды. АТМдар таратылды.

Семинарға аудандық Қармақшы Жастар Денсаулығы Орталығы, Салауатты өмір салтын қалыптастыру кабинетінің мамандары және мектеп директоры, дефектологі, психологі қатысты.

Пайдалы кеңестер беріліп,тренингтер жасалды, сурақтарға нақты жауаптар берілді.