Қармақшы ауданы, Жосалы кентінде орналасқан №121 орта мектепте Жастар денсаулығы орталығы, Салауатты өмір салтын қалыптастыру орталығы, Қоғамдық денсаулық сақтау басқармасы, емдеу сауықтыру орталығы қызметкерлері және мектеп мұғалімдерінің қатысуымен, «Өз денсаулығың өз қолыңда», «Дұрыс тамақтану ережелері», «Физикалық белсенділік» тақырыптарында дөңгелек үстел өткізілді. 6 сынып оқушылары белсенді қатысып, флеш моб биледі. Қойылған сұрақтарға тиісінше жауаптар берілді. Іс-шараға адам 60 қатысып, тақырып аясында үнпарақтар таратылды, видеоролик көрсетілді. Іс шара мақсаты: Денсаулықтың адам өміріндегі маңыздылығын түсіндіру, оқушылардың денсаулық құндылығы, дұрыс тамақтану туралы түсінігін кеңейту, денсаулықты күтуге үйрету.