qarmaqshy-tany.kz №121 орта мектебінде 8 ақпан күні 9 сыныптар арасында аудандық емхана психологы Ә.Кетебаева,СӨСҚ маманы Д.Құлмырзаева, АПб-ң ювеналды полиция майоры Г.Исмайлова, ӘЗЗҚ тобының жетекшісі полиция капитаны А.Касимова, мектебіміздің әкелер одағының төрағасы Тобжанов Камал ағайымыз, мектеп директорының тәрбие ісі жөніндегі орынбасары Қ.Ерназаров, мектептің педагог-психологы А.Сайлауованың ұйымдастыруымен бірлескен дөңгелек үстел өткізілді.

Мақсаты отбасы құндылықтары, дұрыс тамақтану рационы, ерте жүктіліктің алдын алу, кәмелетке толмағандар арасындағы тәртіпсіздіктің, буллинг, кибербуллинг, зорлық-зомбылықтың жолын кесу және зиянды әдеттерден бойды аулақ ұстап, салауатты өмір салтын ұстануды насихаттау.

Сала мамандары оқушыларға өмірлік тәжірибиелерімен байланыстыра отырып түсіндірме жұмыстарын жүргізді. Кибербуллинг, буллинг, зорлық-зомбылықтың алдын алу туралы видеороликтер көрсетіліп, жаднамалар таратылды. Оқушылармен кері байланыс орнатылып, өз ойларымен, пікірлерімен бөлісті.

Дені саудың-жаны сау. Саналы ұрпақ жарқын болашақ кепілі.