qarmaqshy-tany.kz Бүгін С.Есқараев Атындағы Орта Мектебінде жоғары сыныптар арасында аудандық емхана, ЖДО, СӨСҚ мамандары, Ә.Кетебаева, Д.Құлмырзаева, М.Бекова, АПб-ң ювеналды полиция майоры Г.Исмайлова, ӘЗЗҚ тобының жетекшісі, капитан А.Касимова, Қармақшы Ауданының Білім Бөлімінің әдіскері А.Тоқшылықовалардың қатысуымен семинар-тренинг болып өтті.

Басты тақырыптар: отбасылық құндылықтар, ата-ана мен бала арасындағы байланыс, жасөспірімдердің психикалық денсаулығы, кәмелет жасқа толмағандар арасындағы ерте жүктіліктің алдын алу, интернетке тәуелділікті болдырмау, жасөспірімдер арасындағы тәртіпсіздіктің, әлімжеттік пен зорлық-зомбылықтың жолын кесу және зиянды әдеттерден бойды сақтап, салауатты өмір салтын ұстануды насихаттау болды.

Сала мамандары барынша оқушыларға түсінікті түрде мысалдармен келтіре отырып түсіндірме жүргізді. Ақпараттық материалдар таратылды. Кері байланыс орнап, оқушылар өз ойларымен бөлісті.

Білімді де жауапкершілікті жастар мәңгілік еліміздің тірегі.

Салауатты болу - сау денсаулық кепілі.