"Зорлық - зомбылықсыз 16- күн" акциясы
qarmaqshy-tany.kz 2022 жылдың 1-желтоқсанында Қармақшы Ауданының Полиция Бөлімі -нің ӘЗЗҚ тобының инспекторы,капитан Айнұр Қасымова мен ЖДО,СӨСҚ мамандары Дариха Құлмырзаева,Әмина Кетебаевалардың қатысуымен Үсен Көлдейұлы Томанов атындағы №183-салауатты орта мектепте 8-сынып оқушылары арасында түсіндірудің бірлескен жұмыс жоспарына сәйкес семинар - тренинг өткізілді.
Жиынды мектеп директорының тәрбие ісі жөніндегі орынбасары Гүлмира Жақпанова ашып, отбасындағы зорлық-зомбылықтың алдын алу бағытындағы жасалынып жатқан жұмыстар жөнінде баяндады. Мамандар өз салалары бойынша түсіндірмеде кәмелетке толмағандар арасындағы қылмыстық құқық бұзушылықтар,зорлық-зомбылық, интернет қауіпсіздігі, бопсалау, әлімжеттік жасаудың салдары ,қауіп-қатер факторы және тұрмыстық зорлық - зомбылықтың алдын алу туралы , салауатты өмір салтын қалыптастыруда ақпараттық әрі пайдалы кеңестерімен бөлісті. Сондай-ақ, тренингтер өткізді,тақырыпқа байланысты бейнероликтер көрсетілді, буклеттер таратылды.
Оқушылар өз тараптарынан қойылған сұрақтарына жауаптар алып,семинардан алған әсерлерімен бөлісті.
Болашақ - бүгіннен басталады!
Ұлт болам десең,бесігіңді түзе!
Әр күніміз құтты!
Зорлықсыз өмірді таңдаймыз!
