Наурыз мерекесі балабақшада тойланды
qarmaqshy-tany.kz Наурыз – жыл басы ғана емес, береке-бірліктің, ізгілік пен татулықтың, қайырымдылық пен кешірімділіктің бауырмалдықтың мерекесі. Бұл – тек адамзат қана емес, табиғаттың да жасарып, бой түзейтін шағы. Мереке қарсаңында №1 санаториялық бөбекжай бақшасы ұжымының ұйымдастыруымен өткен «Бал мекендегі Ұлы күн, Құтты болсын Ұлыс күн» тақырыбында іс-шара өтті. Онда бақша ауласына ақшаңқан киіз үй тігіліп, ата-аналар, ардагерлер, қонақтар мен бөбекжай тәрбиеленушілері қазақтың дәстүр-салтын бейнелеген өнерін көрсетті. Тұсаукесер рәсімін көрсетіп, өмірге жаңа қадам басқан балапанға ақ жол тіледі.
Іс-шараны балабақша меңгерушісі Марина Маханова ашып, мерекемен құттықтап ыстық лебізін жеткізді. Сондай-ақ «Қазақ тілі» қоғамы аудандық филиалының төрайымы Гүлжауһар Раева қатысып, мерекемен құттықтып, бастауыш ұйымдағы белсенді тіл жанашырларына облыстық, аудандық филиалдың алғыс хаты мен сыйлықтарын табыс етті. Бөбекжай бақшасының ардагерлері ақ батасын беріп, игі тілектерін жеткізді. «Ұлыс күні қазан толса, ол жылы ақ мол болар» деп, қонақтарды дастарқан басына шақырып, Наурызкөже мен ұлттық тағамдардан дәм тарттырды.«Қт» ақпарат
