qarmaqshy-tany.kz 22 наурыз күні Байқоңыр қаласындағы Ленин орталық алаңында Ұлыстың Ұлы күні — Наурыз мерекесі салтанатты түрде аталып өтілді. Наурыз мерекесінде қазақтың көптеген салт- дәстүрлері көрсетіліп, ұлттық ойындар- қол күресі, арқан тартыс, асық, ләңгі тебу және т.б ойналды. Көпшілікке Байқоңыр қаласының және облыстың аудандарынан келген өнерпаздар ән мен жырдан шашу шашты.

Келген қонақтар орталық алаңға тігілген бес ақшаңқан киіз үйге қойылған көрмелерді тамашалап, дәмнен ауыз тиді. Осы Наурыз мерекесіне біздің «Академик С.А.Джиенкулов атындағы Байқоңыр жоғары колледжі» мен «Ғарышкер» бөбекжай бақшасы бірігіп ат салыстық. Көздің жауын алатын әдемі киіз үй тігіліп, ұлттық тағамдар дайындалып, «Тұсау кесер» рәсімі жасалды. Үйге енген қонақтарға дәм ұсынылып, ән мен жырдан шашу шашылды.