ТӨРЕТАМ КЕНТІНДЕ НАУРЫЗ МЕРЕКЕСІ ТОЙЛАНДЫ
ТӨРЕТАМ КЕНТІНДЕ Ұлыстың ұлы күні - Наурыз мерекесіне арналған шара болып өтті. Мерекелік шараға аудан әкімінің орынбасары А.Қошалақов, кент ардагерлер кеңесінің төрағасы Н.Арыков, Төретам кенті əкімі Ш.Суйембетов арнайы Наурыз мерекесімен құттықтап, ізгі тілектерін жеткізді.
Алаңға киіз үйлер тігіліп, ұлттық дәстүрге толы көріністер көрсетілді. Қазақтың ұлттық салт-дәстүрлерінен тұсаукесер, бастаңғы, қыз ұзату т.б. көріністер қойылды. Ата-бабадан жалғасын тауып келе жатқан салт-дәстүрлер қайта жаңғырып, насихатталды. Әжелер шашу шашып, үлкендер қауышып, жастар өнерiн көрсетіп жиналған қауымға көтеріңкі көңіл күй сыйлады. Шара мерекелік концерттік бағдараламаға ұласты.
