qarmaqshy-tany.kz Бүгін кент орталық алаңында Әз-Наурыз мерекесі аталып өтті. Қазақ халқының дәстүрінде Ұлыстың ұлы күні Наурыз мерекесінің орны ерекше. Кент жұртшылығы мерекені көтеріңкі көңіл күймен қарсы алды. Мерекелік шараға кент әкімі Г.Елеусинов, кенттіміздің және Байқоңыр қаласының ардагерлері арнайы мерекемен құттықтап, ізгі тілектерін білдірді.

Ақсақалдарымыз елге бата беріп, ақжаулықты аналарымыз шашу шашып, үлкендер қауышып, жастар жиналған қауымға өнерлерін көрсетіп көтеріңкі көңіл күй сыйлады. Алаңға ұлттық нақышта жабдықталған ақшаңқай киіз үйлер тігіліп, наурыз көже таратылып, ата-бабадан жалғасын тауып келе жатқан салт-дәстүрлер қайта жаңғырылып көріністер көрсетілді. Мерекеге келген қонақтар арасынан ұлттық ойындар сайысы өтіп, жеңімпаздарына сыйлықтары табысталды. Шара мерекелік концерттік бағдараламаға ұласты.