qarmaqshy-tany.kz Бүгін бүкіл түркі әлемінің абызы атанған Қорқыт атаның мемориалды кешенінде Ұлыстың ұлы күні – әз Наурыз мейрамы аталып өтті.

Мерекелік іс-шараға аудан әкімі Жандос Еркінбек қатысып, жиналған жұртшылықты ырыс пен ынтымақтың, береке мен бірліктің мерекесі Наурыз мейрамымен құттықтады.

Қорқыт қобызының мәңгілік сарыны қалған жерде төл өнерді дәріптеуші жыршы-жыраулар өз өнерлерін көрсетіп, көрермендерге мерекелік көңіл-күй сыйлады.

Сондай-ақ, іс-шара барысында аудандық ардагерлер кеңесінің төрағасы Асқар Ермағамбетұлы тоқшылық мерекесімен құттықтап, ризашылығы мен ізгі лебіздерін білдірді.