Ақын – елдің ардағы
qarmaqshy-tany.kz Т.Ізтілеуов атындағы No29 орта мектепте "Оқуға құштар мектеп" жобасы аясында жергілікті қаламгермен кездесу мақсатында "Ақын – елдің ардағы" тақырыбында ақын, ардагер-ұстаз Зарипа Тасымовамен сыр сұқбат кеші өтті.
Кешке ақынның сыныптас достары, шәкірттері, ұжымдастары қатысты.
Шара шымылдығы Тұрмағамбеттің "Тәлім" термесімен басталып, Б.Смайылұлы арнау айтты. Мектеп кітапханасының меңгерушісі А.Жұмағұлова "Ақын. Ұстаз. Ана" тақырыбындағы кітап көрмесімен таныстырды.
Кешті ақынның шәкірті Н.Наурызбаева жүргізіп отырды. Кеш барысында тұшымды ой-пікірлер айтылды. Әндер орындалып, "Қаламнан өрген қазына" кітабы талданды.
"Қт" ақпарат
