Ақын жанды ардақты ұстазға арнайы кеш ұйымдастырылды
qarmaqshy-tany.kz Қармақшы ауданы бойынша білім бөлімінің жоспарына сәйкес Т.Ізтілеуов атындагы №29 орта мектебінде "Оқуға құштар мектеп" жобасы аясында жергілікті қаламгермен кездесу мақсатында "Ақын-елдің ардағы" тақырыбында ақын, ардагер - ұстаз Тасымова Зарипа Жаппарқызымен сыр сұхбат кеші болып өтті.
Кешке апайдың сыныптас достары, шәкірттері, ұжымдастары қатысты. Кешке келген қонақтарды Жиенбай жырау мектебінің шәкірттері Тұрмағамбеттің "Тәлім" термесімен карсы алып, Смайылұлы Бекқанат арнау айтты. "Ақын. Ұстаз. Ана" тақырыбындағы кітап көрмесімен мектеп кітапханасының меңгерушісіы А.Жұмағұлова таныстырды.
Кешті апайдың шәкірті Наурызбаева Нұршат жургізді. Кеш барысында ұстазға , қонақтарға сұрақтар койылып, тұшымды ой пікірлер айтылды. Кеш барысында әндер орындалып, "Қаламнан өрген қазына" кітабы талданды. Кеш өте мазмұнды, тағылымды болып өтті.
