Қазақстан Республикасы Ішкі істер министрлігінің нұсқауына сәйкес Қармақшы ауданының полиция бөлімінің ұйымдастыруымен ағымдағы жылдың 13 - 21 маусым «Отбасындағы зорлық-зомбылыққа жол ЖОҚ» және 17 - 18 маусым аралығында «Жолда қабылдау» атты республикалық акцияларының өткізілуіне орай, Жосалы кентінде темір жол вокзалы маңында азаматтарды қабылдау шарасы өткізілді.

Акция барысында: аудан тұрғындары отбасындағы зорлық-зомбылықтың алдын алу және жолын кесу бойынша, қабылданып жатқан шаралар туралы жұртшылыққа хабарлау, халықтың кең ауқымының аталған проблемаларға назарын аудару, жол-қауіпсіздігі, көші-қон заңнамасы, автокөліктерді тіркеу, жүргізуші куәлігін алу, жеке куәлік алу, төл құжатты алу, автокөліктерге қосымша бөлшектер орнату және әкімшілік айыппұлдарды төлеу жөніндегі мемлекеттік қызметтерді көрсету жұмыстары бойынша құқықтық кеңестер алды. Әрбір сұрақтарға жауапсыз қалдырмай, тұрғындарға заң шеңберінде түсіндірме жұмыстары жүргізілді.

Сондай-ақ, тұрғындармен кері байланыс әлеуметтік желі арқылы да жүргізілді. Тікелей эфир арқылы жолданған сұрақтардың дені, автокөліктерге салынған айыппұлдар, жеке куәліктердің уақыты өткен жағдайда қандай шара қолданылуы, қазіргі АЕК мөлшерінің саны, жеке куәліктің қайта ауыстыру, жүргізу куәліктері туралы болды. Полиция қызметкерлерінің нақты жауаптарына желі қолданушылары өздерінің ыстық ықыластарын жолдап, ризашылықтарын білдірді.