«Жолда қабылдау» акциясы өтуде

Ағымдағы жылдың маусым айының 17-18 жұлдыздарында Қармақшы ауданында «Жолда қабылдау» атты республикалық акция өткізілуде. Акцияның негізгі мақсаты - азаматтардың құқықтық сауатын арттыру. Жол қауіпсіздік ережелерін сақтау да басты назарда. Тұрғындарға құқықтық көмек көрсету заңсыздықтың алдын алады. Азаматтардың полицияға деген сенімін арттыру да басты мәселелердің бірі.

Екі күн бойы кент тұрғындары мен қонақтары жол қауіпсіздігі мен көші-қон заңнамасына қатысты сұрақтар бойынша мамандардың кеңесін ала алады.

Аудандық полиция бөлімінің қызметкері мәлімдегендей, мобильді топтар азаматтарды Жосалы кентінде темір жол вокзалы маңында қабылдайды. Акция барысында аудан тұрғындары жол-қауіпсіздігі, көші-қон заңнамасы, автокөліктерді тіркеу, жүргізуші куәлігін алу, жеке куәлік алу, төл құжатты алу, автокөліктерге қосымша бөлшектер орнату және әкімшілік айыппұлдарды төлеу жөніндегі мемлекеттік қызметтерді көрсету жұмыстары бойынша құқықтық кеңес ала алады.