2021 жылдың шілде айының 16-мен 17-күндері аралығында, Қармақшы аудандық Полиция бөлімінің ұйымдастыруымен Жосалы кенті, Сексенбаев көшесі бойында орналасқан темір жол вокзалы ғимаратының алдында, сағат 09:00-ден бастап 13:00-ге дейінгі аралықта, карантин талаптарын сақтай отырып, «Жолда қабылдау» акциясы өткізіледі.

Акцияның басты мақсаты аудан тұрғындарының жол қауіпсіздігі ережелерін сақтаудағы жауапкершілігін арттыру, тұрғындарға көмек көрсету, ішкі істер органдарындағы сыбайлас жемқорлықтың алдын алу, көші қон заңнамаларын түсіндіру, азамттық атыс қарулары мен айыппұл төлеу бойынша түсіндірме беру.

Сонымен қатар, «Facebook» әлеуметтік желісіндегі Қармақшы ауданының полиция бөлімі ресми парақшасы арқылы 16-17-күндері сағат 16:00-ден 17:00-ге дейінгі аралықта бөлім бастығының бірінші орынбасары полиция подполковнигі Б.Ақтаев, бөлімнің ӘПб-нің бастығы полиция капитаны Б.Әбдиев, бөлімнің ККҚт-ның инспекторы полиция аға лейтенанты Е.Омаровтар тікелей эфирде ішкі істер органдарына қатысты сауалдарыңызға жауап беретін болады.