Аудандық полиция бөлімінің жаңа басшылық қызметіне полиция полковнигі Бахытбек Зейнуллаұлы Жарқынбаев тағайындалды. Облыстық полиция департаменті бастығының бірінші орынбасары полиция полковнигі Шамшидин Амитов  бөлімнің жеке құрамына таныстырды.

Бахытбек Зейнуллаұлы 1969 жылы Қызылорда облысында дүниеге келген. 1990 жылы КСРО ІІМ-нің жоғары саяси училищесін және 1998 жылы ҚР ІІМ-нің Қарағанды жоғары академиясын бітірген. Ішкі істер органдарындағы қызметін 1986 жылдан бастаған. Басшылық лауазымдарда жұмыс тәжірибесі мол. Жалағаш ауданы Полиция бөлімінің бастығы лауазымында және Департаменттің жедел іздестіру саласында қызмет атқарған. Ағымдағы жылдың 14 сәуірінен бастап Қармақшы ауданы полиция бөлімінің бастығы лауазымына тағайындалды.