Республикалық акция аясында іс-шара өтті

"Отбасындағы зорлық-зомбылыққа жол жоқ" атты республикалық акциясы аясында Сырдария ауданы көлемінде іс-шаралар ұйымдастырылуда. Бүгін аудандық полиция бөлімінің ЖПҚ-ның ӘЗЗҚт-ның инспекторы Н.Байжанов аудан орталығындағы "Жалын" лагерінде жасөспірімдермен іс-шара өткізіп, акция маңызын, отбасында зорлық-зомбылыққа жол берілмеу керектігін түсіндірді.

Іс-шара аясында лагерь тынығушылары тақырыпқа байланысты суреттер салды, флешмоб биледі. Жасөспірімдерге ҚР "Тұрмыстық зорлық-зомбылық туралы" Заңы бар екендігі, сондай-ақ жанұядағы жарасымдылық туралы айтылды. Іс-шараға лагерь тынығушылары белсенді қатысты. Нәтижесінде,үздік сурет салғандар арнайы марапатталды.