Тұрмыстық зорлық-зомбылыққа жол жоқ

Тұрмыстық зорлық-зомбылық мәселесі ең өзекті мәселелердің бірі болып қалуда. Тәжірибе көрсетіп отырғандай, отбасындағы тұрмыстық зорлық-зомбылықтың құрбандары болып қиын өмірлік жағдайға тап болған немесе қатігездікке тап болған әйелдер, балалар немесе қарт ата-аналар ұшырауда. Құқық бұзушылықтардың осы түрлері латенттік сипатқа ие, өйткені бұл отбасындағы жақын адамдардың арасында орын алады. Қазақстан Республикасының ІІМ -нің нұсқауына сәйкес 01.09-01.12.2021 уақыт аралығында Учаскелік іс-шарасы аясында Сырдария АПб мен қолайсыз отбасы есебіне алынған отбасылардың тұрғылықты мекен-жайына бөлімнің жергілікті полиция қызметі Ювеналды полиция тобы және Әйелдерді зорлық зомбылықтан қорғау тобының қызметкерлерімен бірлескен түрде араланып қайта құқық бұзушылыққа бармау жайлы профилактикалық жұмыстар жүргізілді.
Құқық бұзушыға қатысты мынадай әсер ету шаралары қарастырылады:
• Профилактикалық әңгіме;
• Қорғау нұсқамасын шығару;
• Медициналық сипаттағы мәжбүрлеу шаралары;
• Құқық бұзушының мінезіне ерекше талаптар белгілеу;
• Сот үкімі бойынша қолданылатын шаралар.
Тұрмыстық зорлық-зомбылық көп жағдайда ашық айтыла бермейді. Сондықтан әркім мұндай жағдайға жол бермеуі тиіс. Мұнымен күресте қоғам болып атсалысу қажет. Сонда ғана тұрмыстық зорлық-зомбылықтың алдын алуға болады.