Көктемнің бір күні жылға азық
Қармақшы ауданының әкімі Ерсұлтанов Әділбек Бөрібайұлының төрағалығымен аудан әкімдігінің мәжілісі өтті.Мәжіліс отырысында «Ауданда көктемгі дала жұмыстарына дайындық туралы» аудандық ауыл шаруашылық бөлімінің басшысы Ә.Омаровтың және «Аудан бойынша жер заңдылықтарының сақталуы туралы» аудандық жер қатынастары бөлімінің басшысы Е.Еркебаевтың баяндамалары тыңдалды.
Жиынды қорытындылаған аудан әкімі тиісті сала басшыларына «Көктемнің бір күні жылға азық» екенін жеткізе отырып, Қармақшылық диқандардың егін егуге дайындық жұмыстарын жүйелі үйлестіріп, жан-жақты қолдау көрсету жөнінде нақты тапсырмалар берді.
