Қармақшы ауданы әкімдігінде аудан әкімі Қалдарбеков Мұса Оспанұлының төрағалығымен тұрақты кеңес мәжілісі өтті.

Мәжіліске кент, ауылдық округ әкімдері, бөлім басшылары мен күн тәртібіндегі мәселелерге байланысты салалық мекеме басшылары қатысты.

Күн тәртібінде ауданымыздағы маркетингтік зерттеу жүргізуді ұйымдастырудың жұмыстары туралы аудан әкімінің орынбасары Қошалақов Әділ Үсенұлының баяндамасы тыңдалды.

Сонымен бірге мәжілісте Жосалы кентін газдандыру мәселелері қаралып, талқыланды. Бұл мәселеге байланысты аудандық тұрғын үй коммуналдық шаруашылық жолаушылар көлігі және автомобиль жолдары бөлімінің басшысы М. Жиенбаев хабарлама жасады.

Сондай-ақ күн тәртібіндегі мәселелер бойынша аудандық дене шынықтыру және спорт бөлімінің басшысы Н. Мырзабаевтың, аудандық кәсіпкерлік, өнеркәсіп және туризм бөлімінің басшысы Ж. Жұмабаевтың хабарламалары тыңдалды.

Тұрақты Кеңестің отырысын қорытындылаған аудан әкімі Қалдарбеков Мұса Оспанұлы бүгінгі таңдағы маңызды да өзекті мәселелерге байланысты нақты тапсырмалар беріп, оны уақытылы жүзеге асырудағы міндеттерге тоқталды.