ҚАМДАНА БІЛГЕН ҚАПЫ ҚАЛМАЙДЫ
Жақында аудан әкімі Сұлтан Мақашовтың жетекшілігімен аудан әкімдігінде төтенше жағдайлардың алдын алу және жою жөніндегі комиссия отырысы өтті. Оған комиссия мүшелері, мемлекеттік мекеме басшылары қатысты.
Отырыста оның күн тәртібіне сәйкес 2 мәселе қаралды. Бірінші мәселе бойынша «2019 жылы қыс-көктем мезгілінде су тасқыны салдарынан болуы ықтимал төтенше жағдайлардың алдын алу шараларының қорытындысы туралы» аудандық «Қармақшысушар» өндірістік учаскесі бастығының орынбасары Ж.Тушкеев, екінші мәселе бойынша «Білім беру мекемелерінде орналасқан сұйық отынмен жылу беретін қазандықтарды жеке тұрған ғимараттарға шығару туралы» аудандық тұрғын үй коммуналдық шаруашылық, жолаушылар көлігі және автомобиль жолдары бөлімінің басшысы Марат Жиенбаев хабарлама жасады.
Жиында аталған мәселелерге байланысты аудан әкімі тиісті бөлімдер мен мекеме басшыларына нақты тапсырмалар берді.
«ҚТ» ақпарат.
