ҚАУІПСІЗДІК ЖАЙЫ ПЫСЫҚТАЛДЫ

Сақтықта қорлық жоқ. Кеше аудан орталығында су тасқыны жағдайындағы қауіпсіздік шаралары жөнінде оқу-жаттығу жиыны өтті.

Шараға Қызылорда облыстық төтенше жағдайлар департаменті азаматтық қорғаныс бөлімі әскери жұмылдыру жұмысы тобының аға офицері, подполковник Әлімжан Қуандықов, Төтенше жағдайлардың алдын алу бөлімінің бас маманы азаматтық қорғау майоры Тимур Еркебаев, аудандық төтенше жағдайлар бөлімі, азаматтық қорғау қызметінің басшылары мен тиісті сала мамандары қатысты. Сонымен қоса, су тасқыны кезінде қауіпсіздік ережелері туралы ақпарат беріліп, төтенше жағдайларды жоюға жұмылдырылатын азаматтық қорғау қызметтерінің, мекеме, кәсiпорындар мен авариялық-құтқару қызметтері күш-құралдарының дайындығы пысықталды. Жиын соңында Сырдария өзені бойында оқу-жаттығу жұмыстары көрсетілді.