Аудан әкімі мәслихат депутаттарымен кездесті

Аудан басшысы Әділбек Ерсұлтанов аудандық мәслихат депутаттарымен кездесіп, ауданның негізгі проблемалық мәселелерін талқылады.

Жиында аудан әкімі өңірде атқарылып жатқан жұмыстар мен алдағы міндеттер туралы баяндап, аудандық мәслихат депутаттарының ұсыныс-пікірлерін тыңдады.

– Бүгінгі күнге дейін жүзеге асырылып жатқан негізгі жобалармен танысып шықтым. Алда тұрған атқарылуы тиіс міндеттер аз емес. Сонымен бірге, іске асырылып жатқан жобалар да жетерлік. Жосалы кенті табиғи газға қосылды. Жаз-қыс мезгілдерінде балалар демалысына арналған лагерь құрылысы аяқталды. Биылғы жылы Байқоңыр қаласында 50 пәтерлік 5 тұрғын үй, Жосалы кентінде спорт кешені, Қуаңдария ауылында клуб үйі пайдалануға берілетін болады. Сондай-ақ, Жосалы кентінде Тайшық би көшесінде идеологиялық маңызды нысан – Сыр сүлейлерінің аллеясын және Ақай ауылдық округінде спорт кешенін салу жоспарланып отыр, – деді аудан басшысы.