Облыс әкімінің орынбасары Қармақшыда
Облыс әкімінің орынбасары Мархабат Жайымбетов жұмыс сапарымен ауданда болып, құрылыс нысандарын аралап, тұрғындармен кездесті.
Алдымен Байқоңыр қаласында құрылысы жүріп жатқан 50 пәтерлік 5 тұрғын үйдің және 2019 жылы пайдалануға берілген көпқабатты тұрғын үйлердің жылу жүйесінің проблемалық мәселелерімен танысты.
Одан соң Жосалы ауылдық клуб үйінің жәй-күйін және аудан орталығындағы денешынықтыру-сауықтыру кешенінің құрылыс барысын бақылады.
Жосалы кентінде орналасқан «Индустриялық аймаққа» баратын автомобиль жолының жағдайы мен индустриялық аймақты табиғи газға қосу жұмыстарын қадағалады.
Сондай-ақ, «Ақтөбе и К» ЖШС-нің құс етін өндіретін фабрикасына баратын автомобиль жолының жай-күйімен танысты. Аудан орталығынан шалғай орналасқан Т.Көмекбаев, Қуаңдария, Алдашбай ахун ауылдық окрутеріне арнайы барып, ауыл тұрғындарының талап-тілектерін тыңдап, жаңадан салынып жатқан құрылыс нысандарын аралады.
