Осыдан бірер апта бұрын Жосалы кентіндегі  «Достық» сауда орталығының ішінен ашылған әлеуметтік дүкенге бардық. Әлеуметтік дүкеннің өзге азық-түлік дүкендерден ерекшелігі – халық күнделікті бірінші кезекте тұтынатын азық-түлік өнімдерін төмен әрі белгіленген бағада сатуы. Дүкеннің төріндегі сөреде тұрған азық-түліктер расымен  базар бағасынан әлдеқайда арзан.  Онда аса қажетті қант, тұз, тұз, макоран, тауық еті, сұйық май, картоп, сәбіз, жуа сынды 19 түрлі азық-түлік бар. Мұндағы тауарлардың бағасын кәсіпкер өзі қоймайды, Байқоңыр әлеуметтік коопарациясы арқылы апта сайын бекітіліп отырады.

Қант базарда 320-350 теңге аралығында болса, мұнда 270 теңгеден сатылуда. Макоронның келісі 200 теңгеден басталады. Ұнның келісі 135 теңгеден. «Азық-түлік сөреге қойылған бойда түгесіліп қалады» дейді сатушылар.

«Әлеуметтік дүкендерге сатылып жатқан өнімдердің сексен пайызы отандық өнімдер. Себебі шетел асып келетін ас-ауқат күн санап қымбаттауда дейді» дүкен иегері. Мұндай әлеуметтік маңызы бар азық-түлік дүкендер енді ауылдық жерлерде ашылса деген тілек бар. Дүкенге келушілердің қатары көп. Себебі тауарлардың құны қалтаны қақпайды. Қарапайым халықтың игілігі үшін ашылған дүкенге жергілікті тұрғындар дән риза.