Әлеуметтік дүкен - халық игілігі үшін
ЖОСАЛЫ, 18 маусым – qarmaqshy-tany.kz Қазіргі таңда халықтың күнделікті тұтынатын азық-түлік өнімдерінің бағасын тұрақты ұстап тұру, азық-түлік қорын жасақтау басты назарда екені белгілі. Осы мақсатта «Алтын Қамба» агроөнеркәсіп комбинаты» ЖШС-і мен аудан әкімдігі бірлесіп, Қармақшы ауданы Жосалы кенті (А.Иманов көшесі №23), Әлеуметтік дүкен ағымдағы жылдың 1 мамыр күні өз жұмысын бастаған болатын.
Әлеуметтік дүкеннің ашылуы, ауданда халықтың күнделікті тұтынатын ең маңызды деген азық-түлік өнімдерінің бағасының тұрақтануына өз септігін тигізді.
Бүгінде, Жосалы кентінің орталығының өзінде халық саны 20 828 тұрғынды құрайды. Алдағы уақытта, халықтың әлеуметтік маңызы бар азық-түлік өнімдерінің сұранысын толық қанағаттандыру мақсатында Жосалы кентінің орталығы Көшербаев көшесі және кенттің шығыс жақ беті Н.Айсауытов пен Е.Қойшыбаев көшелерінің қиылысында арнайы бөлінген жер учаскесіне әлеуметтік дүкен салуға жұмыс істелуде. Әлеуметтік дүкен ағымдағы жылы ашылады деп күтілуде.
